XƏBƏR LENTİ

Böyüt
TOP 5

Azərbaycanda sağlamlıq imkanları məhdud uşaqların təhsilinin təşkili ilə bağlı problemlər həllini tapacaq

Bakı. Könül Kamilqızı – APA. Azərbaycanda sağlamlıq imkanları məhdud uşaqların bütün təhsil pillələri üzrə digər uşaqlarla birgə keyfiyyətli təhsilə (inkluziv təhsilə) cəlb olunması üçün UNİCEF-in texniki dəstəyi ilə “2013-2020-cu illərdə Azərbaycan Respublikasında İnkluziv Təhsilin İnkişafı üzrə Dövlət Proqramı” hazırlanaraq Nazirlər Kabinetinə təqdim olunub. APA-nın Təhsil Nazirliyinin saytına istinadən verdiyi xəbərə görə, proqramın məqsədi bütün təhsil pillələri üzrə sağlamlıq imkanları məhdud şəxslərin təhsilə cəlb olunmasını və onların təhsil ala bilmələri üçün maneəsiz mühitin yaradılmasını təmin etməkdir. Sənəd layihəsi həmçinin “Azərbaycan 2020: gələcəyə baxış” İnkişaf Konsepsiyası çərçivəsində təsdiq olunması nəzərdə tutulan dövlət proqramlarının siyahısına da daxil edilib. Dövlət Proqramının təsdiq olunub reallaşacağı təqdirdə, sağlamlıq imkanları məhdud uşaqların təhsilinin təşkili ilə bağlı mövcud problemlər öz həllini tapacaq.

 

Dövlət Proqramının əsas vəzifələri bütün təhsil pillələri üzrə inkluziv təhsilin təşkil edilməsi üçün qanunvericilikdə müvafiq dəyişikliklərin edilməsi, təhsil müəssisələrinin və tədris proqramlarının sağlamlıq imkanları məhdud uşaqların ehtiyaclarına uyğunlaşdırılması üçün müvafiq tədbirlərin görülməsi, inkluziv təhsilinin təşkili ilə bağlı pedaqoji kadrların hazırlanması və təkmilləşdirilməsi və digər məsələlərdir. 

BÖLMƏDƏN DİGƏR XƏBƏRLƏR

VİDEO

FOTO

  • xirdalan sakini ozunu 9 cu mertebeden ataraq oldurub
    Xırdalan sakini özünü 9-cu mərtəbədən ataraq öldürüb...
  • almaniyada dasqinlar neticesinde 4 nefer olub
    Almaniyada daşqınlar nəticəsində 4 nəfər ölüb
Xırdalan sakini özünü 9-cu mərtəbədən ataraq öldürüb Almaniyada daşqınlar  nəticəsində 4 nəfər ölüb +2
MƏZƏNNƏ
FOREX
/ 31 May, 2016

USD
1.4906
 
EUR
1.6677
 
RR
0.0226
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ