Naxçıvan. Nicat Əliyev-APA Cəlil Məmmədquluzadə adına Naxçıvan Dövlət Musiqili Dram Teatrı yeni tamaşa səhnələşdirir. Teatrın direktoru, xalq artisti Kamran Quliyevin APA-ya verdiyi məlumata görə, teatrın kollektivi yazıçı Müzəffər Nəsirlinin “Qonçabəyim nəğməsi” adlı tamaşanın məşqlərini aparır.
Əsərdə XIX əsrin əvvəllərində Naxçıvan xanlığında gedən ictimai-siyasi proseslərdən və Naxçıvan xanı Ehsan xanın qızı şairə Qönçəbəyimin faciəli taleyindən bəhs edilir.
Tamaşanın quruluşçu rejissoru Azərbaycanın xalq artisti Rövşən Hüseynov, rəssamı Naxçıvan MR-in əməkdar rəssamı Səyyad Bayramov, musiqi tərtibatçısı isə Naxçıvan MR-in əməkdar artisti Əbülfəz Babayevdir. Səhnə əsərinin təqdimatı martın sonlarında olacaq.
Qeyd edək ki, bu il Naxçıvan teatrında görkəmli alman dramaturqu, incəsənət nəzəriyyəçisi və maarifçisi Qothold Efraim Lessinqin “Müdrik Natan”, dahi italyan şairi Aligyeri Dantenin “İlahi komediya”sı, tənqidçi Məmməd Cəfərin “İnsanlar və talelər” əsərləri də səhnələşdiriləcək.
APA İnformasiya Agentliyi iqtisadiyyat şöbəsində 2 (iki) vakant yerə işçi qəbulu elan edir. İddiaçılar minimum 3 illik iş təcrübəsinə və iqtisadi biliklərə malik olmalı, Azərbaycan və rus dillərini sərbəst bilməlidirlər. Xarici dil bilənlərə üstünlük veriləcək.
Əlaqə telefonu: 596-33-57/58
Əlaqələndirici şəxs: Vüqar Mustafayev
Email: economics@apa.az