Naxçıvanda hər 100 nəfərdən 61-i mobil telefon istifadəçisidir
[
08 Fevral 2010 18:50 ]
Naxçıvan. Nicat Əliyev – APA. Naxçıvan Muxtar Respublikasında (MR) aktiv istifadədə olan mobil telefonların sayı artıb.
APA-nın Naxçıvan MR Rabitə və İnformasiya Texnologiyaları Nazirliyinə istinadən xəbərinə görə, hazırda muxtar respublika əhalisinin 245 840 nəfəri mobil telefon istifadəçisidir.
Regionda əhalinin hər 100 nəfərinə 61 mobil telefon düşür. “Naxçıvan MR üzrə hər yüz ailəyə düşən stasionar telefon aparatlarının sayı isə artaraq 63-ə çatıb” - deyə, nazirliyin məlumatında bildirilir.
2009-cu ildə mobil rabitə xidmətlərinin həcmi 2008-ci ildəki göstəricini 40% üstələyərək 26 447 000 manat olub.