SİZİN REKLAM BURADA
Son xəbərlər
Sarısu gölü Sabirabad rayonunun Muradbəyli kəndi istiqamətindən bəndi yarıb

[ 24 May 2010 14:47 ]


Sabirabad. Əlibәy Zeynallı - APA. Sabirabad, Saatlı, İmişli rayonları ərazisində yerləşən Sarısu gölü Sabirabadın Muradbəyli kəndi istiqamətində bəndi yarıb.

Bu barədə APA-nın Mil-Muğan bürosuna kənd sakinləri məlumat verib. Onların bildirdiyinə görə, Muradbəyli və Qasımbəyli kəndlərində bir çox evlər su altında qalıb. Muradbəyli suların əhatəsində qalaraq blokada vəziyyətinə düşüb.
Saatlı rayon Fövqəladə Hallar Komissiyasının sədri İlham Quliyev bildirib ki, Saatlının Nərimankənd, Musalı, Dəllər kəndləri, Sarısu gölü və Kürün əhatəsində olan Novruzlu yaşayış məntəqəsi ciddi təhlükə ilə üzləşib. Su bu kəndlərə istiqamət alıb. Əhali bu kəndlərdən evakuasiya olunur. Ərazidə olan çoxsaylı canlı qüvvə və texnika bənd qurma işlərinə cəlb edilib.